我要發糞

點解近排咁忙？？？由上星期五數起至宜家, 我諗我瞓唔夠10小時, 點解??? 我都唔知... 如果我唔係呢個post做, 我一定攞假!!!

雖然係咁忙同攰,但我都覺得值得呀~(我指除咗開工.) 好攰呀....

今日唔知點解個腦成日迡播一首歌- 身體健康.

11/11 表哥結婚~~~

我都等咗呢日好耐啦!之前一早請假,就係為咗做兄弟,阿表哥初時又話d姐妹點飲得,點知...我高估咗佢地,無對手,真失望.

各位表弟表妹~好耐無見啦!

 

16/11Alvina Birthday

一個我差d唔記得嘅約會,不過好彩,朋友多,有人提我.果晚又見到人飲醉.至估唔到係可以同同事"相認",真攪笑.

"認"的Ivy SO, 原來同一地點工作~

 

18/11 GFS Open Day Service

晨早6點鐘身,就係想早d見到班仔,班仔好乖,真係準時到,但之後我好對唔住佢地,搵唔到佢地影相,加上我又要趕返工所以早走顧唔到你地.我一定會有補償呀!

仲有好多相呀! 得閒上我facebook瀏覽吧~

 

19/11 "啟賢"飯局

當晚與Andrewcell嘅cell員一齊食飯,雖然無笑,但都好開心見到咁多組員.點知食食吓首領提起不如講講自己嘅近況,大家突然嚴肅起來,各位~其實又有乜好驚呢?潛水咁耐嘅我都未有反應.言談間, "啟賢"真係 "啟賢",問d野係唔同d,但考唔到我嘅,我亦覺得無需隱瞞(但有一點點嘅反省)於照答.想知我地講乜?就要留意www.tvb.com.hk "啟賢"飯局~~~

 

 

 

 

 

 

 

 

 

 

 

 

好耐無寫過日記,我記得我咁大個人只係有兩段時間係認真地去寫,邊段時間就唔講啦,想知就問我啦~~~唔知點解,人大咗,記憶力就每況愈下,好多時幾日前嘅事都唔記得,就連尋日食過d乜都唔記得....唔知係咪有乜毛痛呢???不過應該無事,如果有事咁我點解記得晒我工作上嘅每分每秒呢?真矛盾...就連自己講梗乜都唔知.唉~有見及此,我遺有係呢度寫低我做過嘅事,好讓我老咗乜都唔記得嘅時候仲可以笑吓自己. 如果大家覺得唔好睇,咁係正常,我份人比較悶,可能寫d野會悶d,請多多包涵...